退休後嘅陳日君樞機終於可以脫離非人生活，八方早排見到佢，佢個樣好精靈，向來鍾意寫嘢嘅樞機，最近仲開咗個blog，八方噚日上去睇，發現入面暫時冇乜嘢睇，只有一張佘山聖母相，blog主用咗舊約聖經人物老約瑟為筆名，寫住「下海捉魚，上岸牧羊！」唔係見到樞機句格言「平安抵岸全靠衪」，都唔知就係佢。
以前有人冒充樞機寫blog，擺咗好多相，呢個正版樞機網誌卻好神秘。教區中人解釋，因為有啲國家嘅網絡警察一見到樞機個名會即刻block咗，佢惟有盡量低調，希望繞得過啲乜壩物壩，等多啲人可以分享到佢嘅訊息。據聞樞機已經寫好咗第一篇文，內容好辣吓，今朝8點會正式上網。 http://hk.myblog.yahoo.com/[email protected]