大市兩日升逾千點，股海氣氛好轉，唔少散戶都始料不及。星俠雖然認為大市要調整，不過從未鼓勵散戶追沽或做「空軍」，反而強調應趁調整時買貨。
家陣大市回復強勢，入市策略當然要因時制宜，趁勢追貨係好正常，即使後市再跌，呢兩日急升純係反彈都好，大不了將持股掟出街計數，總好過大市再衝萬九點時冇貨在手。
本港地產股表現搶鏡，事關本港物業交投復勇，今年上半年工商舖買賣註冊登記約3690宗，較去年下半年上升逾16%；另商舖買賣成交金額上半年達113億元，佔整體工商舖成交額超過55%。
美聯集團（1200）高收4.64元，升5.9%，同系美聯工商舖（459）表現更勁，大升12.5%，高收0.045元，成交量增至6629萬股，升勢有成交配合。
首站5.3仙
美聯工商舖以大陽燭突破5月底高位0.053元延伸之下降軌，可趁勢追入，衝破前高位0.053元料冇大問題，下一站目標0.08元。
方星俠