期指市場呢兩日好波動，大戶盡顯舞高弄低之能，站錯邊嘅投資者肯定吃盡苦頭。
港股昨日大幅反彈631點，一個轉背就由差啲跌穿萬七，變成直逼萬八，真係玩死唔少散戶。
不過，港股近期成交縮減，大戶要舞高弄低易如反掌，昨日升勢唔夠說服力，除非大市真係升破或跌穿關鍵位則當別論，否則不如考慮炒股不炒市。
大華繼顯發表報告，表示福山能源（639）收購山西三個煤礦後，規模超越恒鼎（1393），加上鋼鐵使用率上升，焦煤前景得以改善。
跌穿1.1元止蝕
最近首長國際（697）母公司，將所持有之福山能源9.8%股權注入首長國際，經此注資，首國成為福山最大股東。焦煤係煉鋼之必需品，今次注資完成後，首國的鋼材業務，將可獲長期而穩定的燃料供應。
首國上月初升至1.65元後調整，昨升1.6%，收報1.27元，日前跌至1.21元有支持，伺機吸納博反彈，升破1.39元睇1.65元，跌穿1.10元止蝕。
方星俠