人人話騎鐵馬危險，因為皮包鐵一撞就好易死。咁唔知揸呢架全球最大嘅電單車，你又會唔會放心啲呢？喺網上討論區就有人貼上澳洲墨爾本一個電單車展嘅圖片，展示咗全球最大嘅電單車，車身長9米、高3米、重達14噸，更被改名為「摩托怪獸」。呢隻怪獸係由一名退役特技員鮑曼同佢嘅團隊用咗3年時間打造。購自底特律專用於貨車發動機嘅柴油機、6前速自動變速箱、備用於火車嘅兩速高性能離合器等等，都係以往唔會喺電單車見到嘅零件。車展上更示範如何將一架房車壓扁。咁有霸氣，呢架電單車若然失事，司機一定唔會俾其他車撞死，最多跌死啫。
記者：許維雅
http://forum.gamer.com.tw/C.php?bsn=60433&snA=11050&tnum=73