近年o靚模輩出，氣勢如虹，「翻版阿Sa」A.Lin（裴殷）與「翻版阿嬌」DadaLo（盧頌之）也工作滾滾來，近日二人更成為遊戲機界夏日大使，組成老翻Twins以新一代青春邦女郎的姿態示人，不惜露香肩及玉腿希望能攻陷電車男的心。A.Lin坦言以前輩Twins為目標，卻語帶雙關地說：「希望有阿Sa嘅成績，不過性格就唔好似阿嬌。」
有翻版阿Sa之稱的A.Lin和翻版阿嬌DadaLo，早前被Xbox遊戲機商垂青，獲邀以六位數字酬勞擔任夏日大使，日前二人到studio拍攝宣傳照。該遊戲機廣告3年前曾找來Twins拍宣傳照，對於承接Twins成為遊戲機女郎，A.Lin笑說：「會以Twins為目標，希望有阿Sa嘅成績，不過性格就唔好似阿嬌。」
「我哋夠青春」
Dada接受訪問時說：「我哋拍攝其中一輯時，要表情同目光一致，因為我哋對住塊鏡去做，有時睇吓又真係幾似Twins。」問到她們自覺那一方面較Twins優勝時，她說：「可能我哋夠青春啩，我家19歲，又或者我哋可以性感啲，不過性感得嚟係接受到嘅。」
對於現時的o靚模被人戴上有色眼鏡來看，覺得她們只識拋胸色誘，Dada慶幸自己沒有加入近期的是非戰圈，她說：「我唔介意俾人叫o靚模，俾人留意係好事，不過是非就唔好搞，我哋都唔係啲撩是鬥非嘅人。」
唔認係o靚模
A.Lin也贊同Dada的說法，慶幸自己未被捲入是非中，她說：「我哋私下係好朋友，冇乜是非，我對人哋講o靚模冇乜嘢特別感覺，我都唔覺得自己係o靚模，我哋性感都係為工作，每個人做嘢都唔同，其實我哋都係普通模特兒啫，我有拍戲又有做舞台劇，唔係一般人眼光咁睇我哋只識騷身材。」
採訪：陳寶明
