當小記第N次才記得一班《Girls'LookBook》八位o靚模的名字時，誰是寫真集的攝影師，誰還有心思留意？攝影師的辛酸莫過於此，八o靚模寫真集的攝影師NamKong（阿南）就是她們背後的男人，雖然對一眾電車男和龍友，必定認為此工好過澳洲大堡礁份筍工。即找來期期為潮誌影模的阿南，講講私家心得。
記者︰吳美美
攝影︰陳盛臣
Location︰GUGUCAFE（28950019）
NamKong'sProfile
《士多》雜誌創辦人，畢業於香港理工大學攝影設計系，曾於本地多本時裝雜誌任時裝及潮流編輯，參與攝影、撰文及美指工作。NamKong07年曾任大型時裝集團LaneCrawford的CreativeConsultant，現為製作公司storen*2的創作總監，參與多位本地歌手唱片及形象造型顧問，及大小不同時裝品牌的廣告拍攝工作。
水着偏要玩健康
訪問開初已急不及待問阿南，拍水着寫真，不怕被人笑你是龍友？「唔怕，如果你有去過龍友嘅網站，再睇我本書就知道有分別。雖然係水着寫真，但就健康到不得了，唔會話特登要個女仔做S形效果，又唔會係唔係都玩鬆郁矇。我只會營造日本少女清新感覺，所以『龍友』兩個字大纜都扯唔埋。」其實揭開這本少女寫真集，每張相都靚，但除了歸功於少女本身條件，攝影師又須要付出甚麼？「對我嚟講，相機專業係其次，像數足夠印刷就夠，甚至有啲Shot我都係用儍瓜機影，技巧上甚至器材上都無乜特別，最着重係同Model嘅溝通。」
《Girls'LookBook：8模少女館寫真集》售$68，書展將推出「書展終極版」，由原本152頁加至240頁，封面改為硬皮版，售價貴啲賣$98。
NamKong私家技
1.溝通。首先同被拍者溝通，令大家較為熟絡，將防線及戒心減低，此舉容易令她們在鏡頭前表現自己。
2.深入觀察。看清楚被拍者外表，看清她本身屬於甚麼類型，就算內外不一也可以，繼而設定她屬Sexy或清純造型等。
3.利用自然光。可以說是自己的風格，就算夜晚都利用自然光，希望能Capture那一刻的氣氛。
4.背光影人像。可減低被拍者向着陽光時的傷害，亦可以遮掩缺點，但當然不能完全背光，只Highlight某部份輪廓就可以。
隨身四寶
好嘈但好Enjoy
不如講番拍攝的過程，「我喺一個星期前先知道喺澳門影相，但本身好忙，要第三日先用一個上午去睇景，第四日去i.t借咗四十幾套衫。到咗澳門就分六日影相，分兩組三日影四個，兼自己做埋Styling。日日朝七晚十一，返嚟就日以繼夜執相，又要DesignLayout，忙爆！」他人眼中嘅優差唔通係苦差？「OK嘅，雖然好嘈，但係睇住啲年輕人都幾好笑。工作過程係辛苦，但班女仔幾專業，一埋位就好靜好聽話，所以影嗰下好Enjoy，因為可以Explore一下啲年輕人，原來好多嘢可以試，亦有意想唔到嘅效果。」
Nam'sReference
