啱啱有個攝影同事放長假，跟太座到東京台場睇1:1高達，恨得我牙癢癢，仲話影多啲相返嚟畀我當手信。你估你係阿寶呀？因住三倍速碌爆卡呀！我擺明係酸葡萄㗎喇！好彩PSHome廣場啱啱喺星期六晚擺咗4隻30th高達喺度，遠遠近近任睇任摸，仲唔怕日曬㖭呀！一班高達Fans咁樣另類朝聖法，特別得嚟又發揮到虛擬世界嘅好玩優勢，不過暫時只得日本PSHome有得睇（相信未來香港都唔會有）；想去朝拜都好簡單，先申請個日本賬戶，順手Update埋ver1.22，然後再登入PSHome就睇到。記者：朱崇德
