花旗股市由低位反彈，前晚幾個主要指數都升超過2%，班分析員唱好銀行股，銀行股被掃高，花旗股市終於結束咗近日嘅跌勢。升勢可唔可以維持？睇圖應該仲有得升，但一切要睇銀行股業績有幾正。
港股噚日跟勢反彈，恒指大升631點，不過成交好奀，未成氣候，都係炒個別兼細細注安全啲。
中鐵建C輪16463：中鐵建（1186）昨收11.84元，升2.4%。股價之前下試50日線，噚日升破10日線收市，如果升破12.20元，上望14元，可以留意隻C輪16463。
隻輪現價21.2仙，2009年12月30日到期，行使價11元，溢價10.8%，引伸波幅53.2%，槓桿率5.6倍（有效3.6倍），正股升上14元，16463睇37仙，水位吸引，正股跌穿11.20元，就沽咗隻輪止蝕。
俊樺