梁朝偉為了要演出王家衛執導的《一代宗師》，兩個月前已開始跟五位師傅學習不同功夫，昨日他如常跟師傅過招時，卻因雙方過份認真，用力過猛，導致偉仔的左手前臂骨斷裂，今次受傷，將害得《一》片又要押後開拍。
甄子丹主演的《葉問》叫好叫座，同以葉問為題材的電影《一代宗師》開拍在即，導演王家衛難免有壓力，而完全不擅拍武打場面的梁朝偉卻被欽點演葉問一角，為了增加說服力，澤東公司在兩個多月前已安排偉仔早上在家練功，下午在一個武館由四、五位師傅與他一起練習。
唔敢打石膏
昨午偉仔如常與幾位師傅對打，不知他是否已練了一段時間，對自己功夫很有信心，打得興起時，竟然揮拳直撲向其中一位師傅，嚇得這位師傅自然反應出腳阻擋。當偉仔的手被師傅的飛毛腿阻擋後，當下「啪」的一聲，偉仔感受到一陣痛楚，左手前臂不能動彈，在場工作人員立刻送他入院檢查，院方為他照過X光後，發現左手前臂骨斷了一節，醫生要求為他打石膏，但遭偉仔拒絕，還堅持立刻出院回家休息。
事後偉仔接受電話訪問時說：「我唔肯打石膏係因為唔想連累王家衛部戲，因為一打石膏最少要休息五至六個星期，我又唔可以繼續練功，咁之前我練嘅功夫咪前功盡廢？所以我寧願叫醫院搵方法固定好斷骨位置，聽日我都可以繼續練腳功。」
未通知嘉玲
問偉仔其太太劉嘉玲是否知道他受傷？他說：「嘉玲喺內地拍緊戲，我未通知佢，家左手唔方便郁，咁咪用右手食飯囉！拍戲同練功都預咗會受傷，希望今次個傷勢唔會影響到部戲嘅開拍日期。」
採訪：葉雪