中國後衞孫悅慘變「雙失青年」？09年球季喺湖人攞咗隻NBA冠軍指環嘅孫悅，已返回中國備戰8月亞錦賽，但賽前就有個壞消息，就係湖人下季可能只保留13名球員，但球隊銳意與奪冠功臣前鋒奧當續約，而且如與前鋒摩里遜解約，將要給予超過500萬美元的解約費，令上季已被下放至NBDL（發展聯盟）打波的孫悅，變成裁員嘅「頭號目標」。由於孫悅新一季並非保證約，只要湖人喺8月1日前放棄佢，就一毫子都唔需要賠償。事業失意已經夠慘，禍不單行係拍咗5年拖嘅中國名模女友古晨（小圖），都話要分手。之前兩人已多次傳出感情亮起紅燈，近日古晨更喺網誌投訴孫悅唔重視佢，將佢排到第4，名次喺父母、死黨同籃球之後。事業戀情都危危乎，孫悅都算慘情啦！