經過多日窄幅上落走勢之後，港股噚日終於有新發展，不過就係向下唔係向上，恒指下跌453點收市，報收17254，跌幅唔算細，不過成交冇大增，未係太淡。
滙控（005）唔經唔覺又回近60元邊，昨報收61.35元，小心淡友搵滙控祭旗，拖低大市。家大市成交咁奀，短炒記緊細細注。汽車股有利好消息支持，短線可以炒吓相關C輪。
駿威C輪16535：駿威（203）昨收3.34元，升0.6%。股價升上50日線水平整固，似造緊旗，如果破旗及升越50日線，有機炒上4元，可以諗吓隻C輪16535。
隻輪現價59仙，2009年12月30日到期，行使價3.40元，溢價19.4%，引伸波幅70.5%，槓桿率5.6倍（有效3.2倍），正股升上4元，16535有機升上1.01元，正股跌穿3.15元，就沽咗隻輪止蝕。
俊樺