雖然去年才破冰「重逢」，黃貫中（Paul）與黃家強即將聯合演出「ThisisRocknRoll」演唱會，阿Paul為演唱會努力操練體能，又親手設計演唱會紀念品，十分重視這次合作。
男人可以有維持一生的友情，正如Beyond拆夥好一段日子，黃貫中與黃家強兩兄弟鬧完交friend番之後，仍然是好兄弟。兩兄弟月底舉行三場「一生樂與怒」演唱會，除了一般揀歌排rundown之外，阿Paul更落手落腳親自設計紀念品。
操拳練體能
一生人之中，有太多嘢要記得，所以阿Paul說：「我每一次都當係最特別，當係唯一嘅一場騷，其實個騷有乜嘢特別都係到時先會知，但係唱乜嘢歌都好，我一定會用最好狀態，交足貨畀大家。」最好狀態，其實就是經常到拳館操體能。
在擂台邊接受訪問的阿Paul，明明說只會為攝影記者做一次凌空起飛腳動作，因為訪問當天實在太熱，最後他都跳了5、6次，又很緊張的查看照片，確定效果才滿意。一向認真的他說最喜歡live騷，因為好好玩，他說：「Live好玩呀，會發生乜嘢事都唔知，加埋大家都係好即興嘅人，所以最緊要就係練好啲結他，同練好唱歌，其他就到時再算啦。」
「好睇又有型」
任何事都要心情輕鬆先會好玩，所以阿Paul特別為演唱會設計了一對人字拖，一隻腳是Rock、另一邊是Roll，他說：「你唔覺人字拖有好親切嘅感覺咩？RocknRoll就有好free嘅感覺，兩個感覺混合一齊好睇又有型。其實我一直都好鍾意着拖鞋出騷，嗰個free嘅感覺真係冇辦法形容，所以到時應該都會着住拖鞋。」
採訪：藍文浩
攝影：黃文成
場地：柏龍國際泰拳搏擊中心
