無綫《明愛暖萬心》前晚於將軍澳電視廣播城舉行，演出歌手包括譚詠麟（阿倫）、小虎隊、謝安琪和柳影虹等等。柳影虹表示大前晚為節目綵排後駕車返家，途經東區走廊時發現沒有電池，於是將車停泊在路邊並打死火燈，然後致電丈夫求救，豈料在車廂等候期間座駕突然嘭的一聲被尾後的士撞個正着。柳影虹說：「我撞到條頸同撼親後腦，真係好驚，嗰部的士車頭燈碎晒，警察嚟到叫我去醫院檢查，但我堅持唔去，要即刻返屋企瞓，結果第朝起身想嘔，為安全起見都係睇醫生check吓。」
此外，腳傷未癒的阿倫前晚仍戴上護膝演出，他笑言自己因腳傷力不從心，但陳慧琳（Kelly）則是力得從心，並戥Kelly一索得男開心。
採訪：楊潔雯
攝影：陳順禎