曾寶儀噚日去亞視大埔總台為《亞洲星光大道》拜神同錄影，老竇曾志偉（小圖）秘密撐場，寶儀話：「見到佢我都嚇一跳，我叫佢快啲走，因為搞到我好緊張。」身為無綫人嘅志偉出現亞視咪好尷尬？寶儀話佢只私下嚟支持，所以冇乜問題。寶儀又話同男友拍拖3年已經見過家長。至於志偉滿唔滿意，寶儀話：「冇藐，應該滿意！」