喺金融海嘯下，好多有錢人唔係身家大縮水，就係俾衍生工具搞到損手爛腳，環球銀行財富管理業務可謂經營慘淡，銀行為慳皮，cut得就cut，財富管理部門好自然成為開刀對象。不過，近期股市同經濟都有起色，銀行都開始為相關業務重新部署。
據英國《金融時報》報道，出名多富貴客戶嘅瑞士銀行（UBS），有意搵美林前行政總裁BobMcCann，或者花旗證券部門前主管SallieKrawcheck，取代現任嘅MartinHoekstra，做佢哋美國財富管理部門嘅新任主管，重整旗鼓。
市轉旺有動作
據講，瑞銀方面想加強當地財富管理業務，所以希望搵有番咁上下份量嘅猛人坐鎮。瑞銀、BobMcCann同SallieKrawcheck一律對有關報道封口，瑞銀只係話MartinHoekstra仲仍然在位咁話。