花旗股市上禮拜五繼續窄幅上落，市場熱門話題仍係花旗政府會唔會推出第2輪救市措施？
家奧巴馬政府嘅態度其實好含糊，無他，因為再推措施可能會刺激通脹同埋增加美元貶值危機，但係唔推出新措施又可能救唔到經濟，都幾煩。不過，呢個禮拜美國銀行業公佈業績，焦點或者會轉移。
港股觀望情緒濃厚，成交淡靜，未有突破之前，短炒都係細細注好啲。
中石化C輪16014：中石化（386）上周五報收6.15元，急升後回吐，但走勢仍然向上，唞吓可以再推高，上破6.60元睇7元，可以諗吓隻C輪16014。
隻輪現價10.6仙，2009年11月16日到期，行使價5.59元，溢價8.1%，引伸波幅54.6%，槓桿率5.8倍（有效3.9倍），正股升上7元，16014有機見16.9仙，正股跌穿5.80元，就沽咗隻輪止蝕。
俊樺