名模周汶錡（Kathy）近期原諒男友JulienLepeu偷嗒張苡澂，卻又被吳耀漢指是貪錢女仔。姊妹情深的周麗淇之前幫手寸張苡澂，前晚又為胞姊反駁市儈之說，更指胞姊「無愧於心」，毋須平反，「有愧」的矛頭，似乎雙向直指偷食的Julien和張苡澂。
周麗淇昨日在旺角鬧市為四洲集團義賣餅乾，熱到一頭汗，義賣後返回室內即大呼：「我濕晒喇！」周麗淇透露是她構思義賣餅乾，每賣出一包，大會就捐100包予食物銀行，協助低收入家庭。
「但求無愧於心」
周麗淇說：「本來想捐啲食物返內地，但運輸手續好繁複，同埋香港人幫番香港人都啱。」在旺角賣餅，她謂不擔心鏹水狂徒，反而擔心受颱風影響，颱風訊號取消，卻又被法輪功遊行引致塞車。
對於胞姊周汶錡（Kathy）的男友JulienLepeu偷嗒新人張苡澂，Kathy和男友火速和好，有指Kathy為面子原諒男友，周麗淇說：「唔係，佢唔係咁嘅人。」吳耀漢早前又指Kathy是nomoneynotalk的女仔，周麗淇就撐胞姊又不得罪吳耀漢說：「佢唔係咁市儈，我好欣賞吳耀漢，佢係我一位好尊重嘅前輩，唔會咁講。」問周麗淇會否忙於一一為家姐平反，她卻說：「唔會喇，每個人好難要全世界明白，人生豈能盡如人意，但求無愧於心。」
張苡澂愛中國人
此外，因被周汶錡男友偷嗒而上位的張苡澂，前晚孖住其風水師好友七仙羽出席活動，在金鐘慈善晚會上巡來巡去。張苡澂一聽記者提起周汶錡，即開籠雀般不停口說：「好番就恭喜佢哋，始終件事唔關我事，最緊要佢哋冇事囉，我自己都甩難，我個樣都唔似啲咁嘅人啦，同埋我始終係鍾意中國人多啲。」
採訪：EricLam、RitaLeung
攝影：WongWaiHung
