民以食為天。有人話想做中國人生意，不妨考慮飲食業。星俠就唔太同意，其實飲食業呢行唔易做，不過食品股就有得諗。
目前具級數及規模的內地食品股，分別有中國旺旺（151）、康師傅（322）及統一企業（220），三間公司之食品業務俱係以速食類為主。其中，統一在即食麪及飲料市場上與康師傅分庭抗禮，齊齊壟斷內地市場。
中線目標5元
統一去年純利3.44億元人民幣，較07年減少18.9%，倒退原因係錄得滙兌虧損，惟其毛利率達34.1%，比07年的33.7%為高。年內原材料價格回落，料毛利率仍有上升空間。
集團剛與安德利果汁（8259）在山東省組建合營企業，從事各類飲料代加工及銷售業務，投資額達2億元人民幣，各佔合營50%股權。
統一上月底升至4.70元後現整固，但4.20元支持力頗強。上周五收4.30元，跌2.2%，可吼位吸納，中線目標5元，短炒以3.60元止蝕。
方星俠