小妹考到車牌都有好幾年，仲有大陸車牌㖭，但唔知點解，揸車成日都蕩失路，都好想買番個車用GPS（衞星導航系統），加埋男友話暑期揸車去大陸玩，小妹呢幾日周圍刮吓有乜嘢新款GPS。
姊妹Kennis本身喺Shinco（新科）做marketing，佢哋啱啱推出咗部汽車衞星導航系統P700（圖），4.7吋闊螢幕，內置09年中國、香港、澳門3D/平面地圖，覆蓋全國2,800個縣市，有佢行勻全中國都冇有怕。部機除咗有手寫功能，又有普通話拼音輸入、設施分類、歷史紀錄、道路名稱等唔同方法尋找目的地。
Kennis話小妹揸車有時雞手鴨腳，呢部機首創內置超速閃燈功能，當汽車駛入限速區域，唔單止會發出語音提示，仲會閃綠燈，提醒用家安全駕駛，一旦超速，會閃出紅燈。部機連接埋倒車鏡鏡頭，倒車嗰陣可避免撞車啦。
揸長途車返大陸，有時都幾悶，Kennis話呢部GPS特別嘅地方，係內置咗內地嘅CMMB（ChinaMobileMultimediaBroadcasting）流動電視，提供各省市地區唔同電視頻道，屏幕仲可以同時顯示電視節目及GPS導航畫面，「司機揸緊車當然唔可以睇電視，但係旁邊嘅乘客可以睇啦。香港遲啲都有流動電視，部機都可以接收到，賣$2,680。」
（查詢：36699888）
電郵：mailto:[email protected]