公仔箱高層之前搞咗個派對，請咗好多旗下嘅仔仔女女同老友嚟一齊玩，其中有鬥靚出身嘅「葉綠素」、「蠍尾奀」同「長腿蜘蛛」，仲有出名嘅「躁狂大帝」，喺席間大家又飲酒又唱K，三位靚女對躁狂大帝特別有好感，不時自動送上門。
旁人側目
據二五回報，長腿蜘蛛攬到大帝實大送秋波，而葉綠素都唔輸蝕，搖身一變，變咗條蛇，成晚捲住大帝，而大帝男人老狗有女送埋身，梗係冇所謂，佢狂掃蠍尾奀個屁股，在場啲人仲以為去咗中國城，佢哋嘅行徑令旁人為之側目，蠍尾奀嘅經理人睇唔過眼，仲問佢使唔使走先，點知佢繼續玩得好開心，真係世風日下。
Textby關仁