官恩娜（Ella）、羅凱珊（Kama）和周柏豪等，昨日出席葵芳新都會廣場舉行的「北海道．夏之美食祭」活動，並即場炮製美食，Ella身穿火紅低胸短裙，腰側又開洞，十分性感，但她又怕走光，活動期間經常用手按着胸口，頗不自然。Kama則穿上花裙仔出席，雖然被性感打扮的Ella搶盡風頭，但現場所見，仍有不少男fans專程到場捧Kama場，並不停拿着相機為她拍照。
日前有報道指Ella與老外拍拖，昨日她直認說：「係朋友介紹，識咗半年，拍咗兩、三個月拖，俾人影到時父母都喺度，因為唔想四圍去，返屋企又有飯食，嗰度係我一家五口住，因為唔想俾人知，所以買咗冇同人講。」Ella透露其中法混血男友J先生是一位專科醫生，父母大讚他有才華、讀書叻、性格隨和，Ella謂該負面新聞出街當天正是其生日，這份「賀禮」令她大哭一場。
陳柏宇喜封陳拔
之後Ella再到大埔超級城與陳柏宇、方力申出席港台「食物安全日2009」活動，陳柏宇因忽然激凸而人氣勁升，他早前在公開場合獻唱《你瞞我瞞》的激凸片段，在YouTube的點擊率逾26萬人次，並成為不少人取笑對像，甚至將他冠以「啫神」及「陳拔」等花名，陳柏宇不但不介意，問他較喜歡那一個稱號時，他笑說：「陳拔好似有深度啲，其實都冇得介意，咁又唔係用粗口鬧我，如果今日現場有人咁叫我，我會應佢。」
採訪：張俊銘 攝影：仇志德
