【第37屆港姐之坦白從寬】今屆候選港姐質素被評為歷年最差，連是非新聞也幾乎是歷年之冠。早前有讀者向本報提供多幅7號鍾溥敏攬仔夜蒲的照片，盡顯她豪邁一面，另有讀者爆料指她大學考試時出貓，前晚鍾溥敏被追問此事時直認不諱，揚言當年考試因準備不足而犯錯，她說：「好後悔發生咁嘅事。」
無綫前晚請來1973年第3屆港姐冠軍張瑪莉與10位候選港姐在將軍澳電視廣播城見面，張瑪莉送上去年出版的《塑造小紳士小淑女》書籍給眾佳麗做見面禮。早前有讀者提供不少7號鍾溥敏攬仔夜蒲的照片給本報，盡顯她豪邁一面；更有讀者踢爆她在樹仁大學一年級大考時曾經出貓，被監考老師發現及取消她該科的考試資格，並以通告形式張貼在大學報告板上。對此鍾溥敏直認不諱說：「有！」
「人生難免做錯事」
記者追問鍾溥敏當年為何出貓？她說：「自己溫書溫得唔夠。」問她有沒有後悔？她說：「好後悔發生咁嘅事，嗰時俾老師見到即刻糾正我，同埋接受咗學校處分。諗番起真係冇必要出貓，今次件事做得唔好。」問鍾溥敏可擔心此事影響形象？她說：「人生難免會做錯事，今次警惕自己唔好再犯，希望自己勇於承認錯誤，成為人哋一個榜樣。」
另外，有傳媒接獲讀者爆料指8號熊穎詩欠下一身債，在溫哥華面試時態度囂張及獲評判偏幫，對此熊穎詩否認說：「我唔識其他女仔，評判都唔識，冇欠人債、冇欠卡數，只係讀書向政府借學生貸款。」
至於4號劉倩婷被爆有位相識十多年的同性密友KittyChan，落力為她拉票，Kitty的父親更是擁有20億身家的地產商，對此劉倩婷承認Kitty是相識十年的好友，但她的身家多少則不清楚，至於拉票問題，劉倩婷未有正面回答，只說：「佢好支持我選港姐，喺facebook都話好支持我。」
6號黃嘉麗否認白鴿眼
另外，6號黃嘉麗被指看不起內地人，她昨日反駁說：「我好鍾意內地，仲成日返去，有親戚朋友都係內地人，我冇香港車牌，但就有內地車牌。」對於候選港姐負面新聞不絕，加上質素差被彈「雜扒」，張瑪莉說：「我啱啱落機，我唔知，今次係嚟教儀態、形象同智慧，最緊要有內在美。」
採訪：楊潔雯
攝影：葉君海