MJ已死，光芒不滅。米高積遜（MichaelJackson）父母的鄰居張天愛前晚重提MJ，激動眼紅，她指斥是50場演唱會和輿論壓力逼死MJ，更指MJ黑人愛白無罪，一如同性戀者一樣，是靈魂和身體錯配，張天愛中途講到不能自已。
米高積遜（MichaelJackson）上月離世，住在MJ父母隔鄰的張天愛（Flora），直擊MJ死訊當日鄰居的情況，感慨不已。Flora近日回港，前晚在灣仔出席香港時裝節的「CrossVision,NewMission」新設計師時裝騷，一提起MJ就激動說：「睇個追思會睇到我喊，MJ係成件事嘅犧牲品，有乜理由逼佢開50場演唱會?!啲人好挑剔，點解黑人漂白就唔得，白人曬黑就得？係啲傳媒、輿論逼死佢！」
「佢付出咗一生」
Flora更逐一駁斥外間對MJ的負面指控，提到MJ曾疑孌童，她說：「佢5歲開始做嘢，冇乜機會玩，返老還童唔得咩？只係同啲細路一齊玩，唔係搞啲細路。」她指斥外間一時捧MJ上天，一時無情踐踏他，她講到眼紅紅說：「話佢阿媽貪錢，佢阿媽唔係咁。」
Flora續說：「MJ唔係吸毒，佢嗰啲藥係平衡心理，佢係犧牲品，大家唔好歧視佢鍾意皮膚白，正如有啲跳芭蕾舞嘅男仔，都鍾意女仔body，希望自己係女仔body一樣，同性戀都唔係錯啦。MJ係靈魂同身體唔配合，唔係錯，佢係偉大嘅明星。」Flora講到喊，接過記者紙巾表示不能再說：「唔好再問我，佢付出咗一生，唉，Ican'tstandit（我不能忍受）。」
陳碧舸父母捧場
同場由MandyLieu、AnaR.、Rosemary和陳碧舸等行騷，陳碧舸父母更在台下看女兒，拿着相機不停拍攝。MandyLieu對近期o靚模橫行表示不介意，更謂不會阻止男友陳柏霖看o靚模的水着寫真。
採訪：JessicaNgan
攝影：ChanChiLam
