將於9月榮升人父的胡諾言，近期一直忙搵奶粉錢，早前他更到盤龍峽拍攝無綫旅遊特輯，其間坐艇仔玩激流，又參觀薰衣草園。胡仔稱讚當地風景漂亮，故拍下很多照片留念，前日他在電話中說：「嚟緊BB出世，我已經添置咗好多攝影器材，到時我會影多啲BB相，同大家一齊分享。」
月底演新劇
胡仔賣關子暫不透露BB性別，但就大讚BB好腳頭：「結咗婚同宣佈太太大肚之後，我接咗Face家庭照廣告，呢排又有個平面銀行廣告，搵到啲奶粉錢，個BB都算旺我。」又透露近來也忙為迎接愛情結晶品面世作準備，他說：「因為今個月底要開新劇，所以趁開劇前要多啲陪太太，同埋買定啲嬰兒用品。」
採訪：丁寧