o靚模近日引發是非不斷，有網民更在facebook發起反o靚模群組，令身為o靚模元祖的Angelababy（楊穎）急急與一班o靚模劃清界線說：「家開始有貶義，希望早日脫離呢個名。」至於昨日Angelababy和台灣人氣偶像阮經天一起出席活動時，兩人有傾有講，阮經天還讚Angelababy可愛。
憑台劇《命中注定我愛你》走紅的阮經天，昨日旋風式來港與人氣o靚模Angelababy出席銅鑼灣時代廣場舉行的「迪士尼BlocMickey@時代廣場」開幕禮，吸引數百名fans捧場。當阮經天和Angelababy跟米奇藝術品影相時，他頻頻擺出可愛甫士冧fans，引得fans連番大叫，搶去Angelababy不少風頭。
看不出有否整容
近日o靚模連番惡鬥，是非不斷，問Angelababy可會效法其他o靚模推出泳衣寫真？她說：「大家銷路唔同，佢哋以泳衣為主，我就fashion啲。」再問她會否推出泳衣寫真，Angelababy笑道：「等我大個啲先。」o靚模近日負面新聞一籮籮，問到身為o靚模元祖的Angelababy睇法時，她擺明車馬要跟一班o靚模劃清界線：「我希望早日脫離呢個名，有啲showgirl同拍過平面廣告嘅，一出嚟就話係o靚模！」
問Angelababy希望人家怎樣稱呼自己？她說：「潮模！以前年輕就叫o靚模，家開始有貶義，同埋有反o靚模大聯盟出現。」Angelababy和阮經天有傾有講，問阮經天是否其偶像時，Angelababy說：「唔稱得上係偶像，我冇睇過佢啲劇，所以冇佢啲fans咁熱情，但我有睇佢啲廣告同雜誌，佢都係一個靚仔。」
至於阮經天被問到對Angelababy的印象時，他說：「年紀很小，我較她年長7歲。」可覺得她靚女？阮經天竟未有正面回答，只說：「很可愛。」可覺得Angelababy曾經整容？阮經天笑道：「如果我看得出就很厲害了，我看不出來，反正女生打扮靚靚就可以。」
談到月前因病缺席在德國舉行的活動，阮經天指是因為耳水不平衡所致，醫生已叮囑他好好休息調理身體。此外，阮經天近日為台灣版《冰河世紀3大威龍駕到》配音，首次為動畫配音的他揚言感到興奮。
採訪：卓寶花 攝影：黃文成