內地股市復勇，港股午市反彈，倒升69點，收報17790，成交回升至622億元。有散戶樂觀睇後市，認為上個月低位17375點應該守得住，港股初步上試18000水平。
有時大市升跌，對散戶意義未必太大，呢一輪大市調整，仍見不少股份照升可也，個別甚至創出52周新高，就算大市跌落16200又點？咪一樣有股票炒！
目標價2.35元
潔淨能源係內地社會趨勢，燃氣需求可謂遍及全國，因此近年一眾燃氣股持續有增長，論收入增長幅度，中國燃氣（384）可謂一點都唔失禮，截至08年度9月底止上半年，營業額上升88%至16.5億元，股東應佔溢利更大升5.4倍至4.17億元。
中燃最近斥資3.25億元人民幣，收購中民控股（681）全資擁有之福建安然燃氣49%股權，成功進軍福建省。
另外與重慶燃氣合建天然氣管道，係集團第七條長程輸氣管道。該股昨升8.6%，收報2.02元，伺機入市短炒，目標2.35元，穿1.80元止蝕。
方星俠