點解黃油蟹比大閘蟹更珍貴？睇睇牠的由來便一清二楚。所以，清蒸來個原膏原味是指定動作，但買、蒸黃油蟹比大閘蟹更多工夫，稍一不慎，有漏油之災，有靚蟹亦浪費！
鳴謝：宏泰記（21470218）
天然生曬Vs曬太陽燈
由於黃油蟹非常難得，遇着天氣差，經常打風下雨，黃油便不成形，所以有人會拿膏蟹曬太陽燈，充當黃油蟹。
曾師傅教如何辨別兩者：「易被曬至溶膏的，通常都是蟹殼較薄的嫩蟹，所以牠們的顏色較淺，重量多是7至8両左右；太大太深色的黃油蟹，很可能是曬燈而來。」
至於兩者的味道有分別嗎？「天然生曬的黃油蟹，因是準備產卵的膏蟹，體內的營養與體質最好，吃起來比一般膏蟹香。而曬燈的蟹，蟹膏可能溶得不均勻，某部份是黃油、某部份還是蟹膏。」
肚凸凸是靚蟹
黃油蟹與大閘蟹價錢差不多，約由$200至$400元一隻，但買回家又要小心處理，否則易死或漏油，所以坊間只有幾家賣慣大閘蟹的店舖會散賣黃油蟹。
黃油蟹的由來
黃油蟹屬珠江三角洲，包括后海灣及流浮山一帶的膏蟹，每年七、八月會到淺灘產卵，因為高溫及太陽的熱力，體內的蟹膏被熱溶成油，走勻全身，滲進蟹肉而成為黃油蟹。
買蟹善後處理
由於靚黃油蟹極易甩腳，在運回家的過程都可以發生，所以店舖通常有即時酒浸服務，替客人以花雕浸暈黃油蟹，再以冰鎮帶走。若要自己處理，可學曾師傅教的步驟。
蒸前用酒浸死
蟹蒸煮前要用酒浸死蟹，否則蒸時會掙扎，斷腳便會漏油。應該在蒸前輕輕揭開蟹掩，洗淨污物，反轉蟹肚向天放上碟，用大火蒸約10分鐘便成。
價錢與散買點
黃油蟹比大閘蟹更貴，價錢約由$200至$400/隻，或者$700/斤，但由於黃油蟹極易死，買回家又要小心處理，而坊間只有幾家賣慣大閘蟹的店舖會散賣黃油蟹。
宏泰記
由$180至$380/隻
地址：灣仔堅拿道西15號永德大廈G15號舖
查詢：21470218
老三陽
由$100/隻起，亦有$460/斤或$600/斤
地址：銅鑼灣利園山道27號B地下
查詢：28902534
華記永昌號
$720/斤
地址：銅鑼灣駱克道476號地下
查詢：28366411
