跌足7日之後，港股噚日終於有得升，前日恒指下試50日線，噚日上晝再試一次企穩，晏晝抽上高收，升幅雖然只得69點，但技術走勢就好有意義，今日恒指有機上試18000關。
花旗呢兩日以唱淡為主，但係財政部搵咗9間投資機構參加買毒債嘅計劃，花旗股市有可能借消息掃返轉頭。
聯通C輪16832：聯通（762）昨收10.98元，升1.8%。股價表現強勢，成交亦多番，短線有機上試6月高位12.06元，破位睇12.70元，可以諗吓隻C輪16832。
隻輪現價22.9仙，2009年12月30日到期，行使價9.88元，溢價10.8%，引伸波幅58%，槓桿率4.7倍（有效3.2倍），正股升上12.70元，16832睇35.7仙，有逾5成升幅，正股跌穿10.30元，就沽咗隻輪止蝕。
俊樺