江若琳前晚得VivienneWestwood贊助服裝到西貢拍攝新歌《有請下位》的MV，她更以螢光粉紅襪褲示人，被MV的導演Jacky打造成新一代潮女，導演更抵死表示，在現場滿佈洗衣機的用意就是為江若琳洗底。
「性感留番下年」
至於剛於泰國拍戲回港的江若琳，將於書展推出新書《小公主浪跡天涯》，由於書中她提及08年的一段戀情，當時因為工作太忙，故令戀情只維持數個月，有指嫌疑犯是周柏豪和吳卓羲，但江若琳就一一否認，並說：「好慘，拖咗人落水，要同佢哋講唔好意思，我都只係寫出感受，係自己一段回憶，但唔會講係邊個。」
對於撞正近期大熱兼愛拋胸的o靚模兵團出書，江若琳坦言也想欣賞o靚模寫真集，提到o靚模被網民圍剿時，她說：「都要有一班人好想睇先出到書，如果睇得嗰啲多，想平靜一下就買我嗰本睇，不過自己本書仲有其他嘢，裸露就遲啲先，今次cover唔性感，性感留番下年先，自己都唔夠撼，費事自暴其短啦。」
採訪、攝影：李珮洳