花旗股市又炒落，道指前晚跌161點，低收8163，進一步逼近8000關。
早排花旗政府放風話要逐步收番啲救市措施，好多評論都話唔掂，花旗股市前晚質落，同呢樣嘢可能有關，搞到奧巴馬政府又放風話第二輪救市措施好快出台，但睇個勢道指可能要試吓8000關。
港股噚日被花旗股市拖低，但係條50日線有支持，午市跌幅收窄，港股後市仍睇好，可以趁調整儲番啲貨。
新地C輪17193：新地（016）昨收92.10元，跌1.4%，連跌7日，但50日線89.90元應該守得住，如果升破96元就睇101元，可以諗吓隻C輪17193。
隻輪現價11仙，2009年11月4日到期，行使價93.88元，溢價13.8%，引伸波幅55.6%，槓桿率8.3倍（有效4.5倍），正股升上101元，17193睇16.3仙，正股跌穿88元，就沽咗隻輪止蝕。
俊樺