何韻詩的父親聯同兩名好友合資開車房，他請來蘇永康、梁漢文和徐濠縈等出席開幕儀式，阿詩卻因為拍劇而最遲一個到達，她更笑言父親已大個仔，所以不需要她出錢入股車房。
何韻詩父親在土瓜灣開設的車房昨日開張，他邀請愛女的一班圈中好友到場，包括蘇永康、梁漢文、徐濠縈和蔡一智等，阿詩因拍劇差點來不到，幸好最後都及時恭賀父親。阿詩表示父親與朋友合資車房，她沒有出過一分一毫，她笑說：「佢大個仔，佢份人好任性，做緊乜我都唔知，佢今次開舖都係前幾日先通知我，況且我啲朋友已經變晒佢嘅朋友，今次係佢自己邀請佢哋出席。」有指阿詩早前到日本為容祖兒慶祝生日，她對此不作回應。
蘇永康被問到有傳張栢芝為老公謝霆鋒再懷第二胎，預產期在明年2月，蘇永康表示不知情，但就踢爆說：「我會向佢求證一下，但佢未結婚生仔前，一成年已經發仔瘟，嗰時當正原島大地係自己個仔。」阿徐也同樣謂不清楚栢芝是否再度有孕，她說：「若果真係有就恭喜佢。」
阿徐睇實Eason
近日有傳謝安琪介入阿徐和陳奕迅（Eason）的婚姻，並指阿徐與Angelababy的經理人Kim簽約，密謀復出以求與Eason經濟獨立。阿徐否認說：「我唔係鋪路唔係復出，阿Kim係朋友形式幫我接job。」至於老公的緋聞，問阿徐是否有朋友勸她實老公，她笑說：「使唔使咁大件事，你哋幫我睇實佢咪得囉，邊睇得咁多，我完全相信佢，緋聞呢啲好好笑。」當被問及老爺陳裘大康復一事時，她則不作回應。
採訪：李珮洳
攝影：黃文成
