皇馬今夏狂買人，但係簽入卡卡同基斯坦奴朗拿度（C朗）兩位世足先生，都似乎冇乜人怕佢哋，巴塞前鋒美斯就話驚都未驚過喎。佢嘅隊友佩奧爾仲寸，事關今屆歐聯決賽會安排喺巴拿比奴球場上演，呢位巴塞隊長話如果喺皇馬主場破歷史咁衞冕，會係一件相當有趣嘅事。講開又講，皇馬今年歐聯嘅系數排第9，即係分組賽唔係種籽隊，隨時遇硬嘢囉！