書中自有顏如「肉」，今年書展有最到「肉」演繹！o靚模趁一年一度書展推出寫真集，有人不滿文化盛事淪為賣肉基地，成為人肉「波波池」在facebook發起「抗議書展垃圾化，請o靚模們滾出7月香港書展」群組，加入網民昨日終突破萬人，不少人聲言今年罷去書展以示抗議。
怒吼「三不要」
發起呢個group嘅網民指，雖然書展人流一年多過一年，不過真正愛書人對書展嘅期望卻逐年遞減，因為「書展娛樂圈化」令人失望。網民更質疑o靚模以「才女」、「作家」自居，實際上在場內販賣「毫無內涵的五官四肢和軀殼」，他們對o靚模怒吼「三不要」：不要扭腰發姣、不要袒胸露肉、不要無意義的簽名會、握手會。
網民又創作反o靚模口號，「趕走o靚模書展好，男女老幼做得到。」「向o靚模說不，向無知說不。」反o靚模聲勢日漸壯大，貿發局強調有措施分隔不同人流，發言人話簽書活動一向設於指定區域內，同其他賣書攤位分開，大會會密切監察場內秩序，若有問題便會即時採取適當措施。
至於書展被指變質，貿發局話必須尊重出版自由，又指書展向來只可展銷第一類物品，一直秉持包容開放精神，為讀者、作者、書刊、出版商提供開放平台。