o靚模是非越炒越熱，繼日前劉欣宜（ECupBaby）在公開活動三度灑淚成功搶鏡後，昨日ECupBaby與死對頭鍾蕙芝（Lavina）宣傳PS3遊戲。ECupBaby穿bratop拋胸，Lavina則露透明bra帶，互不相讓。不過Lavina的演技似乎不及ECupBaby，當談及o靚模被外界圍攻時，她多次谷淚均不成功。
o靚模正處於內憂外患中，最近Facebook有反o靚模群組，聲言不想她們在書展中出現。傳不和的劉欣宜和鍾蕙芝昨日在黃埔出席PS3遊戲的宣傳活動，兩人均穿性感bratop大騷身材。
「食食吓飯都想喊」
對於被網民批評，Lavina反擊說：「做呢行又唔係偷同搶，唔明點解要反我哋，咁辛苦做，搵嘅血汗錢都係畀阿媽，想家人日子過得好啲，人哋睇到只係表面風光，我每日瞓得幾個鐘，日曬雨淋，花咁多努力去做嘢，都係做番本份，啲人只睇表面，為反而反。」
Lavina說到這裏已開始醞釀眼淚，當問她是否覺得受盡委屈時，她似乎想流淚卻不成功，並語帶激動說：「唔明點解咁多人留言去抨擊我哋o靚模界，我有諗過封胸退出，有時食食吓飯都想喊，我都有阿媽生，點解要咁講。」
獲邀任港男評判
在活動上與Lavina完全零交流的ECupBaby，相對顯得較平靜，她說：「睇到覺得好無奈，又唔係做援交，係正當職業，自己賺錢養活自己，我唔會做乜行動去反番佢哋，我哋本寫真又唔係淫褻唔見得光，只係有人用有色眼光去睇我哋，其實成件事都嚟得好正面健康。」
此外，Lavina和胡心諾（Rainbow）獲無綫邀請出席本月25日舉行的「香港先生競選」擔任評判。談到揀港男心得，Lavina昨日在電話中說：「我一直都好恨現場睇港男，我會睇參賽者眼神先，要放電同有魅力，笑容要親切，其次談吐要大方，因為佢係代表香港男士。」問Lavina屆時看到俊男可會發狂？她說：「唔知㗎，睇吓到時有冇人令到我失控啦。」Rainbow昨日則說：「我一定揀樣先，要夠sharp。」
採訪：魯萍
攝影：林德雄、陳志嵐
