花旗股市前晚先跌後反彈，不過港股噚日就彈唔起，雖然早段叫做升過，但係最後都要跌過百點收市，報收17862，稍為令人放心，就係成交仲係好奀，期指尾市彈番唔少，仲有少少高水。
港股仲等緊消息突破，花旗嗰邊要特別留意，G8峯會今日開幕，花旗股市可能借勢炒作，港股亦可能會有較大波動。
中銀C輪17248：中銀香港（2388）昨收14.36元，跌0.8%。雖然冇延續早幾日嘅升勢，但係個勢仲係向上，短線挑戰15元，升穿睇16.80元，可以諗吓隻C輪17248。
隻輪現價22.3仙，2010年12月30日到期，行使價18元，溢價40.8%，引伸波幅52.5%，槓桿率6.4倍（有效3倍），正股升上16.80元，17248睇35仙，有機會翻半番，正股跌穿13.30元，就沽咗隻輪止蝕。
俊樺