白鴿黨人似乎係遇襲高危族，先有主席何俊仁被扑頭，後有創黨主席馬丁差啲俾人拮屁股教訓，黨內人人自危，更擔心係被襲後，同仁哥一樣有後遺症。黨團召集人肥仔明噚日要求煲呔盡力去到天涯海角緝拿兇徒，佢話唔好睇仁哥被扑後好似已復原，其實有內傷，視力同記憶力都有衰退迹象，好多嘢都記唔到。
煲呔未被人扑濕過，但卻擺出切膚之痛姿態，表示對於仁哥遇襲都相當氣憤，但同時幫仁哥平反，話唔覺得佢喺智力上有任何損耗，詞鋒依然非常犀利，至於視力方面，好多時人老咗就乜都睇唔清楚，佢自己都係咁。
自認老眼昏花，怪唔得佢睇唔清楚7.1遊行市民嘅核心訴求係盡快雙普選啦。