有約7,000名會員嘅醫學會同負責監管全港醫生嘅醫委會最近鬧不和，醫學會會長謝鴻興話自己俾醫委會迫害，要挺起反抗。
醫委會早前指謝鴻興曾經被法庭判不小心駕駛，犯咗可判處監禁嘅法例，因此撤銷其醫委會委員資格。鴻興大佬噚日聯同一直好撐佢嘅醫療政策評議會發言人郭家麒開記者會反擊。鴻興大佬係由醫生普選產生嘅委員，佢質疑醫學會掃走佢違反《基本法》同《人權法》，聲言抗爭到底。
做戲都有話以和為貴，鴻興大佬話都想和諧，但出得嚟行，佢不入地獄，誰入地獄？故決定提出司法覆核挑戰醫委會。佢指醫委會一直視佢為異見人士，成日打壓佢，今鋪誓不低頭。