經濟不景，股市不振，直接影響奢侈品市道，羅德公關顧問同信天翁聯業商務諮詢有限公司今年4、5月在北京、上海、廣州、香港等21個城市，訪問咗約1,000個年收入約25萬港元嘅人，發現香港人手緊情況最嚴重，七成七人表示因為對未來缺乏信心，會因為奢侈品價格昂貴而削減消費，其中近四成人每月會減少逾5,000港元消費額。以一個大路名牌手袋大約10,000蚊計，即係買少半個手袋啫。
雖然香港人忍手，不過香港仍然係內地人購物天堂，半數內地受訪者首選在香港血拼，分別有12.4%和8.2%選擇到上海、北京購物。報告結論係在可見將來，香港作為奢侈品消費中心地位仍然鞏固。