現年47歲的戚美珍最近減磅成功，從160磅減至110磅，由肥珍變索珍，連老公苗僑偉（三哥）也對她另眼相看，難怪她謂飲得杯落，更笑謂會以身材治老公，叫三哥醒定啲。
戚美珍跟三哥苗僑偉結婚後，一直過着闊少奶生活，專心照顧子女，這段享福日子令她體重日增，暴肥至160多磅，儼如一座山。為了復出拍無綫劇集《富貴門》，阿戚拚命減磅，其間她被謝沇琪纖體專門店看中，重金力邀纖體，以證明現在的中年潮媽一樣能散發魅力。
阿戚早前以五個不同形象拍廣告，當中有穿藍色露肩高衩晚裝，也有黑色透視裝，她說：「我覺得飲得杯落，好心滿意足，我有5呎6吋高，家110磅係最弗嘅。我最肥嘅時候有160磅，好在阿苗都冇嫌棄我，佢成日望住我食嘢，冇畀過壓力我。」
仔女讚靚媽咪
脫胎換骨的阿戚令老公另眼相看，她說：「阿苗家見我化妝會讚好靚，見我着衫好睇啲又話好靚，咁就夠啦。」他們的一對子女也大讚有個靚媽咪，又笑言與媽咪的肥大髀肉講拜拜。問阿戚既然回復苗條，為何不以三點式示人？她說：「呢啲留番畀後生女做啦，我始終係媽咪級。」
51歲的苗僑偉復出拍劇以來一直被列入型男一族，阿戚卻謂從沒擔心老公被撬走，她笑言現在用身材來「治」老公。
阿戚笑說：「阿苗真係保養得好好，你話幾唔公平，男人襟老過女人，我睇住佢變得越嚟越後生，其實全賴佢復出拍戲，因為外表好重要，但家都叫佢小心啲，醒定啲，係佢小心啲我呀，因為我對自己信心爆棚，我要打破女人40爛茶渣呢啲咁難聽嘅說話。」
採訪：陳寶明