內地上半年股市、樓市表現可謂十分不俗，不過大陸樓股一旦表現過熱，隨時惹來中央關注，昨日據報杭州收緊第二套房的按揭，呢單消息搞到昨日內房股下跌，加上內地股市亦腳軟，港股昨日再跌117點。
如果港股出現調整，散戶目前最大考驗，可能係點樣忍到手。股海上仍見到個別股份大幅炒高，例如金科數碼（922）逆市升近15%，散戶可能又會心郁郁，留意表示會減持該股的長盈集團（689），事關前者升得高，後者沽貨有着數。
另一方面，亦有散戶由於睇唔通後市，對細價股好有戒心，加上淡市細價股難玩，唔少散戶惟有忍手。
半新股走勢不一，上市以來表現最差的銀基集團（886），該股今年4月以3.45元招股上市，但昨日只得3.06元，較招股價潛水11%。
博浮上水面
銀基主要業務經銷五糧液，雖唔係獨家，但目前係該品牌於內地市場最大經銷商，截至去年9月底止半年，純利3.3億元。現價可買，短炒目標3.50元。
方星俠