袁詠儀（靚靚）得天獨厚，笑言近30歲才開始有概念地護理皮膚，為了找合適的skincare，她自言抱着白老鼠的冒險精神，當中她有兩個要求，第一因敏感問題不能有香味物料，第二她最怕。最近，靚靚對Lancome以青春基因為概念的Genifique嫩肌活膚精華一試鍾情，笑言由額頭、面珠到頸位都貪心地搽多幾滴。
靚靚用過Genifique嫩肌活膚精華後，笑言：「聽過話7日有效，又有7種專利，咪即管試吓，自己第1日試嘅時候，本身皮膚都已經有啲敏感，不過覺得唔使驚，有乜事一次過醫咪得，用咗一陣，敏感都冇咗。」
她更笑自己貪心說：「最初滴3滴，之後額頭又加2滴，面珠登又3滴，連頸位都加1滴。」
化妝袋3件事
開工時，靚靚表示化妝用品絕不求其，其化妝袋中更必備睫毛液、控油UV粉底及防曬的UVcream。
護膚後知後覺
洗面 番梘守護青春
靚靚透露10多歲o靚妹年代時，護膚只是一皂走天涯，她說：「由細到大，到20幾歲係用x品牌塊番梘洗面，連身邊朋友都睇唔過眼話我過份，有時塊面乾嘅程度好似北京小朋友塊面咁紅卜卜爆坼，後來入行化多咗妝，差唔多到28、29歲開始發覺皮膚有乾嘅問題先開始護理，加上生完魔童（寶貝仔張慕童）之後，質地差咗，先更加認真研究適合自己嘅skincareproducts。」
活膚 大力打橫按摩
靚靚笑言皮膚有時也有「唔靚靚」的時候，所以她堅持不用工作時盡量素顏，給皮膚休息。
靚靚開玩笑地說：「要畀皮膚休息吓，因為係自己條命，唔會因為俾狗仔隊影到我冇化妝，話我烏歪，我就會老啲。」
她更自創大力按摩神功，她說：「我洗面嗰時唔係人咁品，會好大力由面珠向外打橫按摩，當做面部運動。」
整容 費事嚇走老公
對於打botox及整容等維持美貌的人工科技，靚靚表示個人不接受，她說：「我唔介意保持，不過介意改造，因為自己只接受拎嘢走，好似眼袋咁，接受唔到擺嘢入去，自己明明30幾歲，會有眼紋，要攞番自己年紀，要我打兩針，我唔得。加上我又驚會上癮，我用skinproduct用得好，我都會搽多兩滴，所以唔會行呢步，因為返唔到轉頭，雖然唔想老，不過亦費事令老公有藉口唔要你。」
親子 唇膏芝麻飄香
靚靚注重皮膚護理，也惠及她最愛的兩位男士，她笑言丈夫張智霖最初對skincare比較懶，她說：「佢用最原始方法用水洗面，不過有時見到我敷mask，如果我心情好都會畀塊佢用吓。」至於寶貝仔張慕童，她說：「佢嘅皮膚似爹哋多啲，小朋友咁細梗係唔使搽嘢，不過我會畀佢曬太陽吸收維他命Ｄ，曬完塊面紅卜卜，會同佢搽啲aftersun嘅UVcream。」
愛子情切的靚靚，平時也甚少搽唇膏，她笑說：「同小朋友一齊搽唇膏錫佢好麻煩，所以我會用JuicyTubes代替，因為係天然物質，又有乳木果，檸檬精油，最近至愛係豆腐味同芝麻味，錫落魔童塊面仔時，陣味都自然啲。」
採訪：RitaLeung
攝影：RickyIp
化妝：呂佩佩
髮型：VicofHairCulture
服裝提供：BottegaVeneta