英國傳媒狂吹曼城加碼至4,500萬鎊力邀車路士隊長泰利過檔，仲話佢哋領隊曉士特登走去泰利度假嘅地方杜拜「伏」佢。大概係車仔頂唔住俾曼城不斷騷擾，終於喺噚日嘅記者會交代清楚。新領隊「肥安」安察洛堤表明泰利係球隊象徵，仲話對方就好似AC米蘭嘅馬甸尼咁，一生人只會踢一間球會。「肥安」今夏由AC米蘭過檔車仔後，頂級球星者暫未買到，淨係忙於留住班主力，早前仲有報道指艾殊利高爾拒絕續約而想轉投皇馬，搞到佢頭都大埋。雖則「肥安」話泰利會效忠一世，但問題係曼城銀紙多，如果出到天價，就算泰利想效忠一世，我求大俠相信佢哋都會自己出手送泰利走。