新疆暴動事件會否成為港股調整藉口之一，散戶仍在觀望之中。另外，華爾街進入第二季業績公佈期，稍有風吹草動，股市就有壓力。港股過去三個月累升不小，出現調整好正常，只係由乜嘢原因引發而已，外圍市況潛藏不少隱憂，淡友短期形勢上較佔優。
維達逆市抽升
大陸內需股近排成為市場焦點，亦有輪住炒迹象，好似走勢已見突破的維達（3331），昨日逆市抽升4.4%，收報5.17元。
最多散戶留意的新股無疑係霸王（1338），該股昨日一度升見3.31元，但高位漸見沽壓，收市報3.14元，升3.6%。新股上市日子不久，走勢較難「捉路」，散戶若純粹短炒，宜控制注碼。
百麗（1880）係散戶愛股之一，不過該公司承認6月份營業額續見倒退；另一隻同類股盈進（1386）就快公佈業績，股價今個浪冇乜大升過，昨下跌1.6%，現價0.60元，追落後應有冷敲價值，可設止蝕位0.52元小敲，問題該股曾發過盈警，即使要炒亦不宜過勇。
方星俠