每年6至8月是休漁期，陳鋼師傅話呢段時間魚類選擇會少咗，不過各種蝦類就依然多產，由大龍蝦到細細隻的麻蝦都有得食，而揀蝦最緊要揀生猛，掂吓蝦腳猛咁郁，再睇手腳要齊全，咁就包保係新鮮靚蝦王。
琵琶蝦
其貌不揚的琵琶蝦，肉質鮮嫩，適宜以蒜茸開邊蒸，味道可媲美龍蝦。
菲律賓大花龍蝦
每隻超過3斤重，肉質爽彈兼鮮甜，適宜做刺身、用上湯或芝士焗。
麻蝦
多產於香港、馬來西亞及台灣海域，肉質爽甜、鮮香味美，適宜白灼。
花竹蝦
多產於南沙群島一帶深海，蝦頭多膏，加茄汁或豉油炒蝦碌很惹味。
海中蝦
多產於香港及東南亞一帶海域，肉質爽甜纖幼，宜開邊用蒜茸蒸或烤焗。
查詢：27929862（西貢街市權利魚枱）