噚日A股繼續推上，但係幫唔到港股，因為區內股市普遍下跌，氣氛偏淡，雖然港股上晝收市倒升18點，但係晚節不保，最後跌223點收市，18000關失守，好彩成交仲係好奀，暫時都係上落市。
評級機構標普話香港經濟有機會V形反彈，但係港股冇反應，可能股民未收到呢個消息，又或者大戶仲未諗住炒上去，但係呢個消息對樓市應該好正面。
中石化C輪15863：中石化（386）昨收5.93元，跌0.5%。股價近日在50日線徘徊，睇個勢可以向上突破，下個目標6.60元，可以諗吓隻C輪15863。
隻輪現價8.2仙，2009年11月2日到期，行使價5.61元，溢價8.4%，引伸波幅50.3%，槓桿率7.2倍（有效4.5倍），正股升上6.60元，15863有機升上12.8仙，有5成升幅，正股跌穿5.65元，就沽咗隻輪止蝕。
俊樺