日前才有報道指，韓資基金未來資產管理（MiraeAsset）於07年買入的貝沙灣部份單位，已被發展商盈大地產（432）殺定，根據報章報道，單位涉及第6座10層，約28至30個單位，以該物業呎價逾萬元計，涉及資金數以億元計，定金總額應該也非小數目。
這家韓資基金，在07年尾大手購入貝沙灣及其他新盤，加上若干海外基金也大手買入新盤，掀起基金掃樓熱潮，而本港樓市也由當時開始瘋狂，直升至08年中，到08年9月雷曼出事後才出現冧市。不過，今年3月以來股市勁升，樓市亦都唔弱，不少大型屋苑售價已回升至海嘯前水平，個別更升越海嘯前價格。
撻定原因難理解
據報道，有關撻定貨，盈大地產擬以呎價1.2萬元重售，假如發展商能夠以此價錢重售，韓資基金為何要撻定？當中原因難以理解，或涉及買賣物業的高昂交易成本，又或者發展商不欲基金貨賤價出售拖低市價。
事實上，這家韓資基金日前在港交所（388）股權變動紀錄才申報，於6月30日在場內購入251萬股中國財險（2328），涉資超過1355萬元，買貨仍有心有力。海嘯過後，大量對冲基金倒閉，未來資產管理捱得過這次危機應該反映其根基算是扎實，其最近的「要股唔要樓」行徑，應該不必太過大驚小怪。
不過，金融海嘯雖已過了一段日子，但仍有許多對冲基金唔係咁掂，最近數月股市雖然好番，不少對冲基金並無積極買貨，反而趁機減持蟹貨套現。如果有留意SDI嘅話，見到對冲基金的沽貨價同當初買入價相差一大截，都會戥嗰班基金投資者傷心。
歐陽風