謝天華、吳卓羲和陳鍵鋒昨日在尖沙嘴拍攝電影《LaughingGor之變節》，穿上軍裝的吳卓羲和陳鍵鋒曾在劇集《學警追擊》擔任主角，但今次在電影中他們只客串1分鐘戲份，對於有指無綫以賤價搵旗下藝員拍攝，吳卓羲和陳鍵鋒以笑避答，並說：「為咗TVB，為咗電影，冇所謂啦。」
天華避談片酬
昨日拍攝劇情講述吳卓羲和陳鍵鋒行孖咇，撞正Laughing哥謝天華違例泊車，兩人截查Laughing哥時，他卻吹雞拖馬圍剿。有傳天華今次拍片只收10萬片酬，反而影帝級人馬吳鎮宇就硬收120萬片酬，對此天華就指片酬是商業秘密，他說：「我好滿意自己嘅片酬，好彩唔係話我得500蚊啫，如果喺李嘉誠角度去睇，我嘅片酬就好少，我亦唔敢問秋生，費事佢一陣話我睇完啲雜誌就走去問佢。」
採訪：楊潔雯
攝影：陳志嵐、彭琮然