影音界老品牌TEAC，最近連佢都加入藍光碟機戰場，新推BD-9000齋Player；機身內置BD2.0及HD音效解碼功能，可以直駁喇叭系統，照顧未能提供高清音效解碼之擴音機；音效解碼基本玩齊DTS-HDMasterAudio、Dolby-TrueHD同LPCM7.1，最開心係價錢唔貴，搶攤價$2,380，可以話場內最入門價齋Player。
為咗谷盡最靚聲畫表現，由即日起至8月23日，凡買BD-9000更可以六五折優惠價，選購MonsterM-seriesM1000或M650HDMI專業級線材。
唔過千想買個高清機頂盒？冇得揀！只有大陸貨！不過TEACHD-B1000就話要低搶$780超入門價錢！基本都係玩齊1080i/720p視頻訊號輸出，接駁頭有HDMI、色差、光纖、USB2.0、Ethernet等，聲畫亦唔算好大驚喜，不過我就鍾意佢穩定勝於一切；始終係影音界老牌子，加上係大昌影音代理，售後服務點都好過啲國產貨啦！
記者：朱崇德