台灣新上位組合超克7噚日去到荃灣同香港粉絲見面，為咗可以同fans近距離接觸，佢哋搞啲另類遊戲，例如幫粉絲搽唇膏、揼骨、同粉絲飲同一杯嘢咁，搞到現場幾百個fans嘩聲四起。成員之一嘅毛弟話其實做任何嘢冧fans都冇所謂，不過唔想見到fans租車追佢哋，因為抵港第一日已經差啲撞車，佢話唔想見到fans為佢哋受傷。