林峯昨日到九龍灣某商場為早前推出的新碟《Let'sGetWet》舉行簽唱會，吸引數百名fans排隊和圍觀。他表示上月推出該碟後便舉行個唱，之後又要返內地拍劇，根本沒有時間宣傳，他說：「有啲朋友都唔知我出新碟，不過我就唔擔心銷量，據我所知賣得唔錯，我都買咗200隻送畀朋友，但未有貨。」
問林峯會否擔心fans太瘋狂，要又攬又錫？他就讚fans出名乖巧，故此絕不擔心。Fans知道偶像工作辛苦和大汗，特地送上紙巾和玩具人參，雖然人參並非真的，但用心良苦。
笑陳柏宇得意
提到日前陳柏宇在公開場合唱歌時有生理反應，林峯聽後說：「吓，咁得意，我冇留意，我就唔會，因為我係完全投入唱歌。」
採訪、攝影：丁寧